هتجوز واحده مبحبهاش

الحب راح في ثانية بلاش
و هتجوز واحده مبحبهاش
البسبوسة هشوفها جلاش
ماهو اللي حَب .. مبينساش


يوم الخميس هيجيلي اكتئاب
هسيبها و اروح اقرا كتاب
انشالله اقعد جوه الدولاب
و اتمنى يجيلي حب الشباب


المسها و افتكر اللي كان
و اقول دي مش لمسة حنان
جوازي منك كان جنان
الاحسن هي سكة الادمان

قالتلي انا اسمي مش " تيييييييت "
بتنسى اسمي يا بيسو يا غتيت
و انا اللي بحبك و عشانك جريت
و غسلتلك الشراب و من الفجر صحيت


كنت جوه الدولاب مستخبي
بحلق دقني و شيلت شنبي
غيظ و قرف جوايا متعبي
و هي تقوللي ماتيجي جنبي

اي كلام و خلاص

عشان اظبط القافية هقول اي كلام و خلاص
ممكن اقول برايه او حصان و قلم رصاص
لما بقرا شعر اي حد هنا بحس اني بلاص
مش لاقي اي كلام تاني اخره في اااص

مش بترني ليه بقالك ساعتين ؟ قلقت عليكي !
هتقولي رصيدك خلص ؟ ولا مفيش شبكة عشان ماتش الاهلي ؟
بلاش اعذار زهقت قرفت مليت من برودك
مش عارف اكتب شعر منك و القافيه راحت مني مش عارف اجيبها

اهي جت
الباب خبط روحت فتحت
لقيتها قصادي تنحت
انا قاعد لوحدي ميصحش .. امشي دلوقت

ساعتها لما فتحت الباب كان معصلج
و اتكعبلت و مشيت بعرج و متلجلج
و صباعي اتزنق في الباب و انا متلهوج
كانت ليلة عجيبة المهم فتحت و لقيتها

المهم شغلتلها حرف الشين
قولتلها مينفعش
مقدرش
مبحبش مفهمتش معرفتش
كل اللي بيننا فركش

سونيا المهشتكة

صحيت من النوم على تليفون عميل
لقيتها واقــــفه بتلــم الغســيل
لأ.. دي منزله السَبَت و شكله تقيل
تشوفه تحــس انه جواه فيل
في الاخر مطلعش فيه غير بس منديل

2abeltaha 3la elselem wel gaw 7ar nar
2aletly leh bahes dayman enak so far
2oltelha i'm not !!
2aletly yes you are
da 7atta elnaby wasa 3la sabe3 gar

سألت مين دي قالولي دي سونيا المهشتكه
قولت اااه يا معلم دي العملية متسبكه
و كان باين عليها ساعة السبت انها مسهوكه
و بتاخد مناديل من الواد سكسكه

صرصار

انا اسف و الله
بس هي جت كده



في يوم لقيت اسماعيل قاعد لوحدة و منهار
بقوله مالك يا سموعموع قاعد ليه محتار
قاللي دخلت جوه المطبخ اخدلي صباعين ممبار
لقيت في درج المطبخ من جوه .. صرصااااار

طيب اهدى يا اسماعيل دي حاجة بسيطة
ما انت برضو لازم تسترجل و تاخد الحيطة
امال لو كان فار جوه الحله الغويطة
او كان برص طالع نازل و بيرسم عالحيطه

قول بسم الله و كل يا معلم
او غمض عينك و بلاش تتكلم
ما انت دخلت الجيش و كنت لازم تتعلم
ان الصراصير عايشه معانا بتتكلم و تسلم

ارق من الرقاق

ارق من الرقاق
و ابسس من البسبوسة
حياتها سباق في سباق
ولا مرة طلعلها فسفوسة
متكهرش في حياتها قد الغباء
و البت صاحبتها السوسه

مرة جابتلها صاحبتها عريس
اسمه ماجد ميخائيل موريس
ما انا نسيت اقول انها مسيحية
بس بت جدعه و ميه ميه

الواد العريس ده كان في الجيش
مش عسكري .. ده كان شاويش
اول ما عرفت كده رفضته بشويش
و قالت اصل بابايا مرضيش

البداية

مدونة بسام البلتاجي هي الاولى في تاريخ المدونين العرب

مدونة بسام البلتاجي .. قول رأيك ...و اطلع اجري